Skip to content

صَحْصِحْ: الخاين يللي بيقتل شعبو .. وبس

22 فبراير 2012

صحصح معي .. صحصحت؟ طيب .. قال فدوى سليمان خاينة، هيك عم يقولوا. ليش؟ شو الدليل؟ ما في دليل .. هيك إجى على مراقهن تصير خاينة. في شي معيّن فيها ما عجبهن، فخوّنوها. أي هيك. يعني شو بدي قلّك، هي هيك مو متلهن .. هنن شي وهي شي تاني، لذلك هي صارت خاينة حتى لو أقسمت الأيمان كلها إنها مع هالشعب المظلوم.

هو نفس الشي يللي ما عجبهن بريما فليحان، فخوّنوها التانية. هيك يعني في شي غير بهالمخلوقتين عن يللي بدهن ياه هالعالم. هنن شي وهالمخلوقتين شي تاني. ومو بس ريما وفدوى، فيه فارس الحلو وسمر يزبك وخولة دنيا ورولا إبراهيم وغيرهن وغيراتهن، ومشكلتهن الوحيدة أنو يللي عم يخوّن شي، وهالعالم شي تاني. أي متل ما عم قلّك.

لسعتك مصحصح؟ طيب .. شوف معلّم .. أنا بعرف الخاين يللي بيقتل شعبو .. مو يللي رأيو مو متل رأيك .. الخاين يللي بيقتل شعبو .. مو يللي صلاتو غير صلاتك .. الخاين يللي بيقتل شعبو .. مو يللي بيحب اللون غير يللي بتحبو حضرتك. صحصح شو بنا؟ مو نحن يللي قلنا يللي بيقتل شعبو خاين؟ ليش هيك عم نغيّر ونبدّل وننسى مبادئنا الحلوة يللي عأساسها قامت ثورتنا؟ مو نحن يللي قلنا واحد واحد واحد الشعب السوري واحد؟

صحصح عمي .. هالنظام المجرم مستنينا على غلطة، وأنت قاعد عم تخونلي على مراقك فلان وعلتان بس لأنهن مو على هواك! نحن ثرنا على هالنظام يللي كان يوزّع تهم “إضعاف الشعور القومي” و “النيل من هيبة الدولة” مو مشان حضرتك توزّع تهم “إضعاف الشعور الثوري” و “النيل من هيبة الثورة”. شو بنا يا ابن بلدي؟ صحصح! هدول يللي عم يتخَوَّنوا فعلا شي تاني .. بتعرف شو هو؟ هدول أكابر وقفوا مع الحق، وإنسانيين عم يدافعوا عن حقوق أخوانهم بالإنسانية والوطن .. ويللي بيخوّن، ما في ناموس!

عاشت سورية حرة .. بلا تخوين!

2 تعليقان
  1. هالايام اللي ما بتحبوا فيك تخونوا على طول
    و في الف واحد ووحدة ممكن يسمعوا و يرددوا كمان حكيك
    بس المهم مين اللي بضل و ببقى و بصير مع الوقت ذاكرة … هون مربط الفرس
    ببالنسبة للي بيقتل شعبوا
    بس حبيت اضيف شي صغير
    انو في اكتر طريقة من القتل
    ابشعها الجهل
    و اسهلها اراقة الدم
    و بعدنا مصحصحين
    و عاشت الامة العربةي كلها بلا تخوين

  2. والله يا جفرا شكلك مصحصحة مظبوط، الله يسعدلي يومك🙂
    وعاشت الأمة العربية حرة بلا تخوين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: