Skip to content

الدكطامرية كلمة مو حلوة

1 أغسطس 2009

فاطمة: بابا ..

عمر: فاطمة!! مو مليون مرة قلتلك لما كون عم اقرأ الجريدة ما تقاطعيني!!

فاطمة: بس أنت كمان مليون مرة قلت بعد ما تخلص قراية الجريدة أنو مستحيل بحياتك تقرأ الجريدة مرة تانية ..

عمر: صحيح بابا، لأنو الأخبار شي بيقرّف .. بس هي على صيغة المبالغة .. أما إنك ما تقاطعيني فهدا على صيغة الأمر!!

فاطمة: طيب ماشي …. بابا ..

عمر: شو صرلنا عم نعلك!!

فاطمة: اسمو قطعتك وقطعتك بدي اسألك سؤال.

عمر: تفضلي تساءلي!!

فاطمة: هلأ الدكطامرية كلمة مو حلوة؟

عمر: شو هي الدكطامرية؟

فاطمة: ما بعرف .. اليوم بالمدرسة طول الوقت مدرسة التربية الوطنية عم تسب أميركا والغرب ومن بين المسبات قالت عليهن دول دكطامرية ..

عمر: أيييييه .. قصدك ديمقراطية .. هه هه هه

فاطمة: يمكن .. هي كلمة مو حلوة بابا؟

عمر: بيعتمد وين عم تقوليها يا بنتي .. هون بيعتبروها كلمة مو حلوة.

فاطمة: ليش شو معناتها؟

عمر: بقلك .. بس بيضل الكلام بيني وبينك ..

فاطمة: أي أكيد.

عمر: هي معناتها أنو الشعب، يعني الناس العاديين يللي متلي ومتلك لما تكبري، هنن يللي بيحكموا بلدهن ويختاروا الناس يللي تحكي عنهن أو تقودهن.

فاطمة: أي وشو فيها شي مو حلو؟

عمر: هيك حبيبتي .. مو حلوة هالكلمة هون.

فاطمة: بس ما عم افهم .. يعني ما فيها شي مو حلو!

عمر: بابا خلص .. مو حلوة

فاطمة: آها .. هلأ عرفت ليش مو حلوة .. لأنو لو الناس صارت ديكتامرطية بقدر صير أنا قائدة البيت هون بدالك، وممكن صير قائدة الصف بدل مدرسة التربية الوطنية، وبقدر صير أنا قائدة المدرسة بدل المديرة، وبقدر صير ….

عمر: بس عندك!!! حسك تمك تفتحيه برات البيت بهالموضوع!!

اكتب تعليقُا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: