Skip to content

قرد الرئيس الزامبي

4 يوليو 2009

سليمان: سمعت آخر خبر

عمر: مو لأعرف شو هوي حتى قلك سمعتو ولا لأ

سليمان: لك ليش نزق أنت يا أخي .. سماع

عمر: تفضل .. أتحفني

سليمان: قال في قرد عملها على رئيس زامبيا

عمر: كيف يعني عملها؟

سليمان: لك عملها .. عملها يعني .. لبى نداء الطبيعة الملحّ

عمر: أووووف

سليمان: هيك ما اقرا امبارح

عمر: وشو صار بالقرد؟

سليمان: ولا شي .. أخدها رئيس زامبيا بروح رياضية مرحة وكمّل مؤتمره الصحفي

عمر: معقول؟

سليمان: هيك الخبر بيقول

عمر: يعني ترك القرد وما عملو ولا شي؟؟!!

سليمان: أبدا

عمر: يعني القرد عمل يللي بدو ياه بكل حرية وبعدين نفد بريشو!!

سليمان: قرد ولو .. شو ما تفهم!! قلتلك أي!!

عمر: مع إنو يللي عملو القرد فيه “إيهان للشعور القومي”!

سليمان: مظبوط

عمر: وفيه كمان “إضعاف من هيبة الدولة”!!

سليمان: صحيح يا عمر .. بس منّي قادر إفهم عليك .. شو قصدك؟

عمر: لا ولا شي .. الواحد بس بيتمنى يكون قرد أحيانا

اكتب تعليقُا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: