Skip to content

سفارة بلوكسمبورغ

6 يونيو 2009

عمر: بتعرف شو سمعت امبارح؟

سليمان: شو؟

عمر: سمعت على مونت كارلو أنو السلطات الفرنسية أطلقت الكاتب الفرنسي المعارض

سليمان: أوف .. قديش صرلن حابسينو؟

عمر: قال شي 3 سنين.

سليمان: وشو المناسبة؟

عمر: قال قبل 3 سنين وقّع هو وكتاب فرنسيين ولوكسمبورغيين على بيان طالب فيه فرنسا أنو تفتح سفارة بلوكسمبورغ وتحترم العلاقات المشتركة.

سليمان: ومعقول انحبس بس كرمال هالشي؟!

عمر: هدا الشي يللي بيجنن يا سليمان، أنو بالقرن الواحد والعشرين لسه في دول متل فرنسا بتحبس ناس بس لأنو قالوا رأيهن!!

سليمان: طيب على علمي أنو فرنسا فعلا فتحت سفارة بلوكسمبورغ من كم شهر؟؟

عمر: وهدا الشي التاني يللي بيجنن يا سليمان، أنو فوق ما فرنسا حبستو على رأيو رجعوا طبقوا يللي طالب فيه!!

سليمان: بتصدق عمر

عمر: قللي؟

سليمان: منيح أنو عايشين نحن هون .. يعني منحكي يللي بدنا ياه بكل حرية واحترام من دون ما نخاف متل يللي بيخافوا بفرنسا

عمر: أي والله .. منشكر الله نعمة

اكتب تعليقُا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: